/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe.jpg" alt="madurai chithirai vizha panthakal - Dhinasari Tamil" class="wp-image-243273 lazyload ewww_webp_lazy_load" title="மதுரை சித்திரை திருவிழா: முகூர்த்தக்கால் நடும் நிகழ்ச்சி! 1 - Dhinasari Tamil" decoding="async" data-sizes="auto" data-src-webp="https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe.jpg.webp" data-srcset-webp="https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe.jpg.webp 1024w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-3.jpg.webp 300w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-4.jpg.webp 768w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-5.jpg.webp 150w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-6.jpg.webp 696w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-7.jpg.webp 1068w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-2.jpg.webp 1200w" srcset="https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe.jpg 1024w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-3.jpg 300w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-4.jpg 768w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-5.jpg 150w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-6.jpg 696w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-7.jpg 1068w, https://www.deivatamil.com/wp-content/uploads/2022/03/e0aeaee0aea4e0af81e0aeb0e0af88-e0ae9ae0aebfe0aea4e0af8de0aea4e0aebfe0aeb0e0af88-e0aea4e0aebfe0aeb0e0af81e0aeb5e0aebfe0aeb4e0aebe-2.jpg 1200w">
மதுரையின் புகழ்பெற்ற சித்திரை திருவிழாவிற்கு முகூர்த்தக்கால் நடும் நிகழ்ச்சி:
மதுரை: மதுரையில் மீனாட்சி அம்மன் கோவில் சித்திரை திருவிழா ஏப்ரல் 5 ஆம் தேதி கொடியேற்றதுடன் துவங்க உள்ளதை முன்னிட்டு, இன்று கோவில் சார்பில் கீழமாசி வீதியில் உள்ள தேரடியில் கொட்டகை முகூர்த்தக்கால் நடும் நிகழ்ச்சி நடைபெற்றது.
உலகப்புகழ் பெற்ற மதுரை மீனாட்சி அம்மன் கோவில், சித்திரை திருவிழா வருகிற ஏப்ரல் மாத5 ஆம் தேதி கொடியேற்றத்துடன் தொடங்குகிறது. அன்றைய தினம் சாமி சன்னதியில் உள்ள கொடிமரத்தில் கொடியேற்றப்படுகிறது.
அதை தொடர்ந்து ஒவ்வொரு நாளும் சாமியும், அம்மனும் பல்வேறு வாகனத்தில் எழுந்தருளி மாசி வீதியை வலம் வந்து பக்தர்களுக்கு காட்சி அளிக்கின்றனர்.
தொடர்ந்து, திருவிழாவின் முக்கிய நிகழ்ச்சியாக 12 ஆம் தேதி மீனாட்சி அம்மனுக்கு பட்டாபிஷேகமும், மறுநாள் 13 ஆம் தேதி மீனாட்சி அம்மன் திக்குவிஜயமும் நடக்கிறது.
விழாவின் சிகர நிகழ்ச்சியான மீனாட்சி அம்மன் திருக்கல்யாணம் இந்தாண்டு தமிழ் புத்தாண்டு ஆன ஏப்ரல் 14 ஆம் தேதி அன்றைக்கு நடைபெற உள்ளதாக கூறப்படுகிறது.
அதையடுத்து, ஏப்ரல் 15-ம் தேதி தேரோட்டம் நிகழ்ச்சி வெகுவிமரிசையாக நடைபெறும். இதனைத் தொடர்ந்து, சித்திரை திருவிழாவை வரவேற்கும் வண்ணம் கோவில் சார்பில் பல்வேறு ஏற்பாடுகள் நடைபெறுகிறது.
இந்தநிலையில், சித்திரை திருவிழா வருவதை தெரிவிக்கும் வண்ணம் கோவில் சார்பில் கீழமாசி வீதியில் உள்ள தேரடியில் கொட்டகை முகூர்த்தக்கால் நடும் நிகழ்ச்சி நடந்தது. முன்னதாக ,மீனாட்சி அம்மன் கோவிலில் இருந்து யானை, காளைகள் முன்செல்ல முகூர்த்தக்கால் ஊர்வலமாக எடுத்து தேரடிக்கு கொண்டு வரப்பட்டது.
அங்கு மீனாட்சி அம்மன் கோவில் பட்டர்களால் சிறப்பு பூஜை செய்யப்பட்டு காலை 9 மணிக்கு மேல் முகூர்த்தகால் நடப்பட்டது.
கொரோனா தொற்று பரவல் காரணமாக 2 ஆண்டுகளாக கோவிலில் உள்ள திருவிழாவாக நடைபெற்ற நிலையில் இந்தாண்டு பக்தர்கள் அனுமதியுடன் விமரிசையாக நடைபெறும் எனவும் கூறப்படுகிறது. சித்திரை திருவிழாவிற்கு இன்னும் சில நாட்களே இருப்பதால் பந்தல் அமைக்கும் பணி உள்ளிட்ட பல்வேறு பணிகள் விரைவில் தொடங்கப்பட உள்ளது.
